Një shtetas shqiptar i pa pajisur me dokumenta është kapur në flagrancë nga autoritetet italiane dhe është përzënë në Francë, shteti nga i cili kishte hyrë në territorin italian.
Policia kufitare italiane ia dorëzoi të riun policisë kufitare franceze, por ai iu iku nga duart dhe u hodh në det, për të notuar drejt Italisë.
Gjithçka ka ndodhur mëngjesin e sotëm në pikën e kalimit kufitar në Ponte San Ludovico.
Arratia e shtetasit zgjati disa minuta derisa arriti në plazhin Balzi Rossi. Ai u nxor në breg me ndihmën e kujdestarëve dhe të një polici.
Pasi është tharë, policia e ka dorëzuar shqiptarin tek homologët francezë.
