Aksident tragjik në Itali, vdesin dy shqiptarë - Bota Sot
Aksident tragjik në Itali, vdesin dy shqiptarë

Diaspora

Aksident tragjik në Itali, vdesin dy shqiptarë

Më: 18 gusht 2019 Në ora: 09:15
Pamje nga vendi i ngjarjes

Një aksident automobilistik me pasojë vdekjen e dy shqiptarëve, ka ndodhur midis Casenës dhe Valle di Rubicone në Itali. Viktimat janë një grua 38-vjeçare dhe një djalë 28 vjeç shqiptarë.

Mediat italiane shkruajnë se automjeti tip Renault Clio, me dy shqiptarët në bord, po udhëtonte me shpejtësi kur përplasi makinën tip Volkswagen Passat të tre italo-zviceranëve.

Këta të fundit janë nxjerrë të gjallë nga automjeti dhe janë transferuar menjëherë në spital. Dy italo-zviceranë, të moshave 54 dhe 49 vjeç, raportohet se janë në gjendje të rëndë, kurse i treti mësohet se ka marrë lëndime të lehta.

Në njërën nga veturat është nxjerrë edhe një qen i ngordhur. Në vendngjarje kanë mbërritur tre ambulanca dhe ndërhyrja për të nxjerrë trupat ka zgjatur mbi katër orë. Sakaq, policia është vendosur në rrugë për të stabilizuar trafikun e krijuar nga aksidenti.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...