Një aksident tragjik ka ndodhur ditën e sotme në Karapathos, në Greqi, ku një shtetas shqiptar, 31 vjeç, i identifikuar si Kleo Sulejmani, ka humbur jetën.
Mediat greke raportojnë se në makinë me 31-vjeçarin ndodhej edhe një tjetër shqiptar, 24-vjeç, i cili ka mbetur i plagosur rëndë.
Aksidenti ndodhi mëngjesin e sotëm rreth orës 05:00, në kilometrin 1 të rrugës provinciale Pigadion – Aperiu.
Makina me të cilën po udhëtonin dy shqiptarët ka dalë nga rruga në rrethana ende të paqarta, duke u përplasur me një pemë.
I plagosuri, emri i të cilit nuk dihet ende, gjendet në kujdesin intensiv të mjekëve.