Sulmohet me acid në fytyrë një grua shqiptare në Itali.
Mediat italiane shkruajnë se gruaja 39-vjeçare po i drejtohej makinës së saj në momentin që 2 persona i janë afruar me moto dhe i kanë hedhur acid në fytyrë dhe në gjoks.
Mësohet se shqiptarja 39 vjeçare punonte si prostitutë në zonën periferike të Trezzanos në Milano.
Mësohet se 39-vjeçarja ka ndjerë dhimbje të tmerrshme, teksa lënda i ka djegur një pjesë të madhe të fytyrës, qafës dhe një pjesë të kraharorit.
Ulërimat e saj kanë qenë të larta, ndersa kalimtarë të rastit kanë njoftuar shërbimet e policisë dhe autoambulancën për t’i dhënë ndihmën e shpejtë.
Pavarësisht djegieve të mëdha që ka marrë, sytë e saj nuk kanë rënë në kontakt me acidin duke i shpëtuar verbimit.
Autoritetet kanë nisur hetimet ndersa dyshohet se sulmi ka qenë i planifikuar dhe mund të ketë të bëjë me botën e trafikut të prostitucionit.
