Arrestohen trafikantët, çonin shqiptarë në Angli - Bota Sot
Arrestohen trafikantët, çonin shqiptarë në Angli

Diaspora

Arrestohen trafikantët, çonin shqiptarë në Angli

Më: 27 shtator 2019 Në ora: 16:21
Foto ilustrim

Dy shqiptarë kanë rënë në pranga nga Agjencia Kombëtare e Krimit në Londër, gjatë një hetimi mbi një grup kriminal, të dyshuar për kontrabandimin e njerëzve në Britani, përmes kamionëve.

Dyshja Admir Canaj, 38 vjeç dhe Astrit Ramoshi, 37 vjeç u paraqitën para Magjistraturës të Westminster-it, ku u mbajtën në paraburgim në pritje të ekstradimit në Belgjikë.

Ata akuzohen për ngritjen e një rrjeti në Mbretërinë e Bashkuar, në të cilin përdornin një hotel në zonën e Ghent- it për të mbledhur emigrantët dhe më pas transportuar përmes kamionëve.

Emigrantët, më së shumti shqiptarë duhet të paguanin deri në 15,000 euro. Përmes operacionit policor u bë e mundur gjetja e 37 shtetasve shqiptarë në hotelin në fjalë.

“Të arrestuarit në Mbretërinë e Bashkuar tani përballen me ekstradim në Belgjikë, dhe ne do të vazhdojmë të ndihmojmë kolegët tanë belgë në hetimet e tyre. Kontrabandistët e njerëzve i trajtojnë njerëzit si një mall për t’u shfrytëzuar  dhe ne jemi të vendosur të trajtojmë ato rrjete që synojnë Mbretërinë e Bashkuar, pavarësisht se ku funksionojnë. Ky është një shembull tjetër i kësaj”, u shpreh Steve Reynolds, kreu i operacioneve të organizuara të krimit të imigracionit për NCA.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...