Shqiptari i dënuar për vrasje, arratiset nga burgu i Italisë - Bota Sot
Shqiptari i dënuar për vrasje, arratiset nga burgu i Italisë

Diaspora

Shqiptari i dënuar për vrasje, arratiset nga burgu i Italisë

Më: 8 tetor 2019 Në ora: 00:37
Foto ilustrim

Një shqiptar është arratisur para disa ditëve nga një burg italian.

Ai është Olsi Shaqlli me origjinë nga Korça dhe vuante dënimin për vrasje në burgun e Campobassos. 45-vjeçari po kërkohet tashmë në të gjithë territorin italian dhe fotoja e tij është publikuar kudo.

I burgosuri mori leje për çështje punë dhe nuk u kthye më në qeli. Ai ishte dënuar në mungesë me 11 vite burg për vrasjen e italianit Giuseppe Intelletto në 2008 në Gioia del Colle. Viktima u ekzekutua gjatë një grabitjeje në një dhomë private teksa luante letra me miqtë.

Autori u arrestua pasi kishte lënë gjurmë ADN-je në një gotë ku kishte pirë ujë në vendin e krimit. Ai u arrestua në Shqipëri në vitin 2012 nga Interpoli, pasi kishte kaluar 4 vjet në arrati. Karabinierët shprehen se i dënuari për vrasje është ndihmuar nga bashkëpunëtorë dhe miq të tij mjaft të afërm, në mënyrë që të kryente arratisjen.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...