Zbardhet dëshmia e shqiptarit të arrestuar për vrasjen e 91 vjeçares italiane

Diaspora

Zbardhet dëshmia e shqiptarit të arrestuar për vrasjen e 91 vjeçares italiane

Më: 27 tetor 2019 Në ora: 13:15
Sergio Malaj

"Nuk e kam vrarë unë. Nuk ka qënë në atë banesë , kam qënë në një vend tjetër", kështu ka deklaruar gjatë natës së shkuar shqiptari Sergio Malaj, i arrestuar një ditë më parë me akuzën e vrasjes së 91 vjeçares italiane Diva Compagnucci, ish mësuese në pension, në shtëpinë e së cilës ishte e puënsuar nëna e tij.

Shqiptari i është përgjigjur të gjitha pyetjeve të prokurorit Mirko Piloni duke dhënë versionin e tij të fakteve.

Ai ka deklaruar se nuk ka qënë në atë pallat, nuk ka hyrë në banesën e të moshuarës e nuk e ka vrarë atë.

I riu shqiptar nuk ka pranuar fajin dhe akuzën edhe pse disa dëshmitarë kanë deklaruar se Sergio Malaj ka qënë atë ditë rreth e qark pallatit e mbi të gjitha kundër tij janë dhe veshjet e ndotura me gjak e gati për t'u larë në lavatrice , të gjetura në banesën e tij.

Për avokatin mbrojtës Andrea Romani, shqiptari ka dhënë versionin e tij, por ka ende elementë për t'u sqaruar e që priten të zbardhen ditën e hënë 28 tetor ku do të zyrtarizohet dhe urdhëri i arrestimit.

Sergio Malaj jetonte së bashku me familjen në Tolfa. Ka frekuentuar shkollën e mesme për elektronikë. Për banorët e qytezës prindërit janë njerëz punëtorë e të respektuar.

commentFirst article
Sot mund të lexoni Shfletoni kopertinat