ONTARIO CA: Mësimi i gjuhës dhe kulturës shqiptare nga Shkolla Shqipe në Hamilton, Ontario të Kanadasë vijon online, në ndërveprim me nxënësit e prindërit e tyre, shkruan në faqen e saj në Facebook, Shkolla Shqipe - Mësimi Plotësues - Hess Street School HamiltonLike Page
Ata thonë se në këtë situatë të vështirë mësimi online është mënyra që shumë mësues kanë vendosur për të bashkëvepruar me nxënësit e tyre.
Duke qenë sa më të sigurt në shtëpitë e tyre nxënësit dhe studentët po përpiqen që koha e tyre të jetë sa më produktive.
Shkollat shqipe në Diasporë janë përpjekur që të vijojnë programin rregullisht duke u përshatatur me rregullat e reja të vendosura për shkak të pandemisë.
Shkolla Shqipe - Mësimi Plotësues - Hess Street School Hamilton thotë se ata po mundohen me këtë mënyrë që fëmijët shqiptarë kudo që janë të mësojnë gjuhën shqipe.
Po ashtu njoftohet se Qendra e Botimeve për Diasporën, ka nxjerrur në internet fjalorin dygjuhësh për fëmijë është konceptuar për fëmijë të moshës deri në 6 vjeç dhe shoqërohet me ilustrime të përzgjedhura me kujdes për t’i qartësuar dhe për t’i konkretizuar edhe më shumë fjalët duke i bërë ato edhe më të kuptueshme për fëmijët.
Ky fjalor synon t’u japë fëmijëve të Diasporës një lëndë të pasur për të përmirësuar njohuritë e tyre në gjuhën shqipe, por gjithashtu mund të jetë shumë i vlefshëm edhe në procesin e mësimdhënies, shkruan Qendra e Botimeve për Diasporën,.