Banda e katër shqiptarëve vodhën dhe dhunuan një biznesmen të njohur në Mykonos të Greqisë, emri i të cilit nuk bëhet i ditur.
Mediat greke shkruajnë se pre e grabitësve ra pronari i një prej tavernave më të vjetra të peshkut në Mykonos, që është hapur aty që në vitin 1976.
Grupi i shqiptarëve iu fut biznesmenit në shtëpi rreth orës 01 të mëngjesit duke i kërkuar paratë që ai kishte në kasafortë.
Pas kundërshtimeve që kanë hasur, ata e kanë dhunuar më pas biznesmenin.
Shqiptarët e kishin planifikuar prej disa ditësh grabitjen e biznesmenit, pasi kishin ndjekur lëvizjet e tij. Ata e dinin se pronari i tavernës dhe gruaja e tij largoheshin në mesnatë, kishin llogaritur dhe kohën që atyre i duhej për të shkuar në shtëpi.
Shqiptarët u përleshën me biznesmenin, e për pasojë zhurmat i dëgjoi e bija e tij, e cila jeton në një shtëpi afër të të atit.
Ajo thirri policinë, duke bërë që 4 shqiptarët të largoheshin. Biznesmeni i tha policisë se ata i morën 12 mijë euro. Ai pësoi disa dëmtime në trup nga goditjet, por ndodhet në gjendje të qëndrueshme shëndetësore.