Qindra protestues po manifestojnë këtë pasdite në Romë kundër mbajtjes së maskave shëndetësore në çdo orë të ditës e në çdo ambient të mbyllur e të hapur, si një nga masat e fundit të ligjëruar nga qeveria italiane për të parandaluar përhapjen e pandemisë Covid 19.
Në manifestimin “No mask” i quajtur “marshimi i lirisë” që po mbahet në sheshin “San Giovanni” në Romë janë përfshirë dhe njerëz të njohur të botës së artit e spektaklit italian si aktori Enrico Montesano apo shoë girl Rosita Celentano, vajza e këngëtarit të njohur Adriano Celentano si dhe politikanë nga forca të ndryshme politike.
“No mask” kërkojnë punë, të ardhura, demokraci e sovranitet e janë kundër kompanive multinacionale, kundër monedhës sovrane, kundër rrjetit 5 G.
Ata janë të bindur se kërcënimini nga epidemia Covid-19 është përdorur nga qeveria për të vendosur një diktaturë shëndetësore.
Në 2 orët e fundit, Italia ka regjistruar një rritje të rasteve të personave të infektuar me shifra që nuk regjistroheshin prej fazës më akute të pandemisë në mars të 2020.
Ministri italian i Shëndetësisë ka thirrur në një mbledhje urgjente të dielën, 11 tetor, Komitetin tekniko-shkencor për të analizuar situatën e këtë rritje të frikshme të rasteve pozitive.
Rajoni i Lombardisë sapo ka informuar të dhënat e fundit se sot janë mbi 1100 të infektuar më shumë në këtë territor.
Ndër manifestuesit “No mask” është dhe një emigrante shqiptare e cila jeton në Firence e për mediat italiane ajo thotë se mjafton pak raki e koronavirusi zhduket.
