Vrasja e shqiptarit, në Australi, gjykata shpall fajtorë 4 të të akuzuarit

Diaspora

Vrasja e shqiptarit, në Australi, gjykata shpall fajtorë 4 të të akuzuarit

Më: 29 tetor 2020 Në ora: 10:29
Australi

Një gjykatë e lartë në Australi gjeti fajtorë katër persona për vrasjen e një refugjati shqiptar.

Benjamin Mitchell, Alfred Rigney, Matt Tenhoopen dhe Aaron Carver u shpallen fajtorë për vrasjen e Urim Gjabrit, ngjarje e ndodhur në tetor të vitit 2018, në Adelaide.

Një juri prej 10 grash e 2 burrash i gjeti ata fajtorë për vrasjen e shqiptarit në një shtëpi ku kultivohej kanabisi.

Gjabri u gjet i vdekur në banesë.

Sipas grupit hetimor, ai ka jetuar për disa kohë, por një plagë në kokë ka qenë fatale për të.

Gjaku i gjetur, i shpërndarë nëpër kanabis, tregon se si ka lëvizur nëpër shtëpi në tentativë për të shpëtuar veten, ndërsa trupi i pajetë u gjet vetëm tri ditë pas ngjarjes.

Analizat e ADN, të gjetura mbi një thikë dhe bish cigarejej të gjetur në banesë lehtësuan punën e autoriteteve australiane.

Dyshohet se shkak i vrasjes së 46-vjeçarit mund të ketë qenë prishja e pazareve të drogës.

Lënda narkotike e gjetur në banesën e viktimës ishte marrë nga autorët e dyshuar pasi kishin ekzekutuar shqiptarin.

Shfaq komentet
comments powered by Disqus
Sot mund të lexoni Shfletoni kopertinat