Ermal Vejsa është një dëshmitarë që kishe qëlluar të jetë rreth 500 metra larg në vijë ajrore nga vendi i sulmit.
“Sapo dolëm nga kinemaja pamë që ishte një atmosferë e zymtë. Njerëzit ishin të çoroditur dhe lëviznin duke ikur. Taksitë nuk funksiononin e nga ana tjetër na bëhet thirrje të mos përdorim transportin publik. Ishte një hallakame e paparë pasi Vjena njihet si qytet i sigurt. Nuk na ka rastis gjatë gjithë këtyre viteve që jetojmë të shohim një atmosferë të tillë”, tha Vejsa.
Vejsa mendon se mbrëmë ka pasur shumë njerëz pasi ishte nata e fundit ku mund të lëviznin të lirë.
Ai thotë se edhe deklaratat e Ministrit të Brendshëm nuk ishin të qarta se si të veprohet dhe njerëzit ishin në kaos.
“Nëpër shumë restorane njerëzit kanë mbetur brenda gjithë natës, pasi policia nuk i ka lejuar të largohen për shkak të sigurisë”, tregon ndr të tjera dëshmitari Ermal Vejsa.