Një aksident tragjik i ka marrë jetë në Itali dy personave, midis të cilëve edhe një shqiptar. Aksidenti ka ndodhur pasditen e djeshme në autostradën A4 midis San Dona di Piave dhe Cessalto në Itali.
Shqiptari që ka humbur jetën është 34 vjeçari, Eder Shqalshi, i cili po udhëtonte me kolegun e tij italian, Erik Galluzzo, 28 vjeç, i cili edhe ky humbi jetën në aksident.
Të dy ishin banues në Talmassons në provincën e Udine, dhe po udhëtonin në bordin e një kamionçine, e cila goditi një kamion. Nuk ka ende një hetim lidhur mbi shkaqet e këtij aksidenti fatal.
Përplasja ishte mjaft e dhunshme, duke mos u dhënë asnjë shpresë dy të rinjve për të mbijetuar. Ata u nxorën nga pjesët metalike të mjetit nga zjarrfikësit.
Ekipi mjekësor që mbërriti në vendngjarje nëpërmjet një helikopteri i shpalli ata të vdekur në vend.
