Ndërron jetë shkenctarja shqiptare e Universitetit të Vienës, Vlorë Mehmeti -Tershani

Diaspora

Ndërron jetë shkenctarja shqiptare e Universitetit të Vienës, Vlorë Mehmeti -Tershani

Më: 1 tetor 2017 Në ora: 14:08
Vlorë Mehmeti -Tershani

Pas një sëmundje të rëndë, në Vienë të Austrisë, në moshën 35 vjeçare ka vdekur shkenctarja shqiptare Vlorë Mehmeti –Tershani. 
Vlora Mehmeti – Tërshani, ka lindur me 20.03.1982 në fshatin Beçiq të Drenicës, Komuna e Vushtrrisë. Vlora rrjedhë nga një familje arsimdashëse dhe atdhedashëse. Babai i saj, Hazir Mehmeti ishte ndër profesorët e parë të Biologjisë në Drenicë dhe aktualisht Kryetar i shoqatë së mësuesve shqiptarë “Naim Frashëri” në Austri. 
Në vitin 1988, pas rrethanave të reja të krijuara në Drenicë, pjesën e mbetur të gjimnazit që kishte filluar në Vushtrri, Vlora e vazhdoi në gjimnazin “Schoppenhauerstrasse, BRG 18” të Vjenës, ku në tërë historinë e gjimnazit është e para dhe e vetmja nga nxënësit emigrantë, e cila nuk e përsërit klasën sipas rregullores për përvetësimin e gjuhës. Për këtë rast, i cilësuar si rast i veçantë, kujdestarja e klasës e informon Ministrin e Mësimit të Austrisë. Me nota të larta dhe afat rekord, ajo kreu gjimnazin.

Sukseset e Vlorës në fushën e shkencës nuk kishin të ndalur. Ajo me lehtësi regjistroi Fakultetin e Farmacisë në Universitetin Shtetëror të Vjenës, Magjistraturën në Tokushima (Tokushima Bunri Unviersity, Japoni), tek Profesori i njohur Asakawa Yoshinori, në gjuhën angleze, duke u vlerësuar me notë të lartë dhe mbrojtur temën me vlerësim maksimal. Studimet e doktoratës i ka pë përfunduar në shtator të vitit 2016 në drejtimin e Mikrobiologjisë në Universitetin e Vjenës.

Image
Vlorë Mehmeti -Tershani

Vlora nga përfundimi i studimeve në Vienë, punonte në Universitetin më të vjetër në hapësirën gjermanofolës edhe njërin ndër universiteti më të mëdhenj në Evropën qendrore, Universitetin e Vjenës. Ajo ishte e angazhuar si punëtore shkencore në Departmentin për Ekogjenomikë dhe Systembiologji (Department of Ecogenomics and Systems Biology), në sektorin laboratorik të njohur për hulumtime shkencore, njërin nga më të njohurit në sferën e biologjise molekulare në botë. 
Me punët e saja hulumtuese, shkencëtarja shqiptare e ka prezantuar Universitetin e Vjenës në shumë kongrese botërore të hulumtuesve nga lëmi i farmacisë, biologjise molekulare dhe kudo që u shfaq, mori vlerësime të larta për rezultatet hulumtuese. Këto hulumtime u botuan në revistat shkencore më prestigjioze të qendrave shkencore botërore. Vlora ka qenë edhe bashkëpunëtore profesionale dhe përfaqësuese e Organizatës për Arsim, Shkencë dhe Shëndetësi “KISCOMS” në Austri.

“KISCOMS” dhe unë përsonalisht, ju shpreh ngushllimet më të sinqerta familjes Mehmeti nga Vushtrria dhe Tershani nga Shtimja, ka noftuar  përmes një postimi në facebook, drejtori i “KISCOMS”, Xheladin Ujkani.

Sot mund të lexoni Shfletoni kopertinat