Jepet dënimi për 2 shqiptarët që e kthyen azilin në fermë kanabisi, ata: E bëmë që të arsimoheshim!

Diaspora

Jepet dënimi për 2 shqiptarët që e kthyen azilin në fermë kanabisi, ata: E bëmë që të arsimoheshim!

Më: 27 gusht 2018 Në ora: 10:03
Wirral

Një azil i vjetër në Wirral, Angli, ishte kthyer në një ferme sekrete ku kultivohej kanabis me vlerë disa dhjetëra mijëra paund, u tha në gjykatën e Liverpool, ku në bankën e të akuzuarve ishin dy shqiptarë.

Kur policët bastisën lokalet në Thornton Road, Bebington, në një shtëpi të mbuluar me gjethe në periferi më 9 korrik të këtij viti, zbuluan se shtatë dhomat në atë pronë të veçauar ishin kthyer në dhoma për kultivimin e kanabisit.

“Një nga bujqit ishte një shqiptar pa dokumenta, Pjetër Ndoji, që u shfaq në dritare dhe u përpoq të kërcente jashtë e t’ia mbathte, por që u kap nga policia”. Kështu tha prokurori Peter Hussey.

Brenda ndërtesës, policët gjetën një tjetër emigrant ilegal, Elvin Preçin dhe kështu, të dy shqiptarët u arrestuan.

Të tjerë policë u sollën në vendin e ngjarjes për të shkatërruar fermën dhe punonjësi i kompanisë së energjisë së Skocisë u thirr për të bërë lidhjet e duhura elektrike, pasi ato që ishin bërë ishin të paligjshme. Ky punonjës vlerësoi se humbja për kompaninë e energjisë elektrike ishte 10-11 mijë paund sepse pajisjet kanë punuar 18 orë në ditë për dy muaj.

Pajisjet elektrike në atë fermë të sofistikuar përfshinin 79 llampa, secila nbga 600 vat, 79 transformatorë, 110 filtra karboni.

Një ekspert i drogës llogariti se se vlera e asaj ferme me bimë kanabisi ishte rreth 140 mijë paund.

Pjetër Ndoji, 20 vjeç, tha se ai kishte mbërritur në vend prej dy muaj e gjysmë nga Holanda në pjesën e pasme të një kamioni.

Pasi flinte rrugëve, një burrë i kishte propozuar që të kujdesej për fermën e kanabisit dhe i kishte afruar ushqim dhe ujë.

Preçi, shqiptari tjetër, 20 vjeç, tha se ai kishte arritur me një kamion dhe po ashtu i ishte ofruar të kujdesej për fermën e kanabisit.

Burgosja e të dyve me 12 muaj burg

Gjyqtari Anil Murray tha se se ai e pranonte që ata kishin luajtur një rol të vogël në atë ndërmarrje dhe se kishin qënë atje për t’u kujdesur për bimët.

Të dy shqiptarët që u ndihmuan nga një përkthyer u deklaruan fajtorë për prodhimin e kanabisit dhe shpenzimin e energjisë elektrisë.

Avokatët e shqiptarëve thanse se të dy ata donin të kthehesin në atdhe sa më shpejt të ishte e mundur. Asnjëeri prej tyre nuk kishte pasur dënime të tjera.

Madje, Preçi kishte treguar potencial akademik dhe kishte ardhur në Angli për t’u arsimuar.

Sot mund të lexoni Shfletoni kopertinat