Humbi jetën tragjikisht në punë, shqiptari nga Kosova në Itali lë pas gruan me tre fëmijë - Bota Sot
Humbi jetën tragjikisht në punë, shqiptari nga Kosova në Itali lë pas gruan me tre fëmijë

Diaspora

Humbi jetën tragjikisht në punë, shqiptari nga Kosova në Itali lë pas gruan me tre fëmijë

Më: 28 gusht 2018 Në ora: 11:34
Ilustrim

Një shqiptar nga Kosova ka humbur jetën aksidentalisht në vendin e punës në Itali. 44-vjeçari Shpejtim Gashi, u godit nga krahu mekanik i një pajisjeje më të cilën po punonte, shkruan Treviso Today.

Kompania e mobilieve “3B” në Salgareda të Italisë bëri një njoftim ngushëllimi për familjen e Gashit. “Me dhimbje të madhe njoftojmë vdekjen e punonjësit tonë Shpejtim Gashi pas një incidenti në punë. Po kryhen hetimet për përcaktimin e shkaqeve të ngjarjes”, shkruhet në njoftim.

Pas incidentit, menjëherë në vendngjarje shkuan policia e doktorët, por për fat të keq nuk mund të bëhej asgjë. Prej vitesh, 44-vjeçari shqiptar jeton me gruan e 3 fëmijët e tij në vendin e quajtur Ponte di Piave, Treviso.

Kompania “3B” në shenjë zie ndërpreu punimet për një ditë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...