Në Wuppertal të Gjermanisë, në prani të një numri të konsiderueshëm aktivistësh, kujtuam dy data të rëndësishme. Përkujtuam Kolonel Ahmet Krasniqin-ish Ministrin e Mbrojtjes të Republikës së Kosovës. Tubimin e hapi Nënkryetari i Nëndegës së LDK-së për NRW, z. Enver Musa. Pas mbajtjes një minutë heshtje, për kujtim e nderim të Kolonel Ahmet Krasniqin, z. Musa falënderoi të pranishmit, njëkohësisht duke i informuar edhe për qëllimet e mbajtjes së tubimit përkujtimor.
Fjalën pastaj e mori Jakup Gërguri – Kryetar i Nëndegës së LDK-së për NRW – Gjermani. Sot kemi një tubim, me të cilin kujtojmë dy ngjarje diametralisht të ndryshme. Njëra emocionale e dhimbshme, tjetra e ndjeshme ngase shënon Histori të popullit tonë. Këtë vit përkujtojmë Kolonel Ahmet Krasniqin edhe me një risi. Është kjo e re ngase përfundimisht më 21. 09 të këtij viti, eshtrat e Ahmet Krasniqit do kthehen në vendlindje. Do ktheheni, dhe do pushojnë aty ku e kanë vendin e merituar, pranë presidentit historik Ibrahim Rugova.
Sot shënojmë edhe 7 shtatorin, ditën e miratimit të Deklaratës së Kushtetutës të Republikës së Kosovës. Rastisi këtë vit që një video që do e shohim, është pikërisht nga organizatori kryesor i Mbledhje së Kuvendit më 07.09.1990 në Kaqanik z. Hebib Shehu. Z. Shehu ishte këtë vit edhe laureat i Mirënjohjes ORA E PRESIDENTIT, që Nëndega jonë e ndanë çdo vit për një ndër Figurat më eminente ndër Shqiptarë. I njohur si veprimtar, intelektual, bashkëpunëtor i President Rugova, si figurë emblematike e Kaqanikut, z. Shehu e dhe një intervistë enkas për Nëndegën tonë, të cilën do e shikojmë s’bashku me filmin In memoriam për Kolonel Ahmet Krasniqin do i shikojmë.
Ndjehem shumë mirë që sot këtë tubim e mbajmë me juve aktivist, veprimtarët, mësues, anëtarë të LDK-së që secili keni bagazhin e aktiviteteve e kontributeve të mëdha. Ju falënderoi të gjithëve për praninë tuaj, dhe në emër të Kryesisë së Nëndeges së LDK-së për NRW ju premtoi se edhe në të ardhmen do angazhohemi për të sjellë incizimet si këto sot, dhe ju ftoi t’i shikojmë së bashku.
Pasi u shikuan dy storiet filmike, të pranishmëve me nga një fjalë rasti iu drejtua z. Qazim Bajgoraliu-ish kryetar i Degës së LDK-së për Gjermani, i cili foli për Kolonel Ahmet Krasniqin, dhe rëndësinë e 7 shtatorit. Z. Hamit Halili –njëri ndër veprimtarët e hershëm n mërgatë falënderoi organizatorët dhe Nëndegën e LDK-së që po mbajnë tubime të tilla.
Z. Behxhet Krasniqi në emër të Familjes Krasniqi falënderoi Nëndegën e LDK-së për NRW, ngase kjo është e para që organizoi Akademi Përkujtimore për Vëllaun tim Ahmeti ne dhenë kohën kur ngushëllimet na vishin fshehurazi në familjen tonë. Ai i njoftoi të pranishmit edhe për ecurinë e procesit të kthimit të eshtrave të Kolonelit në vendlindje, që do bëhet më 21 të këtij muaji. Në fund z. Behxhet Krasniqi falënderoi të pranishmit dhe Kryesinë e Nëndegës që kurrë nuk e lanë anash përkujtimin për Kolonelin. Gjithashtu uroie dhe 7 shtatorin, ditën e miratimit të Kushtetutës së Republikës së Kosovës.