Ditën e djeshme një aksident i rëndë ndodhi në Itali, aty ku raportohet se shqiptari 18 vjeçar Kledis Gixhari humbi jetën pasi u përplas nga një automjet.
Sipas mediave vendase i riu shqiptar udhëtonte me një motor së bashku me shokun e tij, por u përplas fatalisht nga një makinë.
Aksidenti ndodhi rreth orës 03 e 30, kur në komunën Lamporecchio (Pistoia), drejtuesi i një motoçiklete, për shkaqe që mbeten ende për tu zbardhur, ka humbur kontrollin dhe ka përfunduar drejt kangjellave të një banese.
Kledis Gixhari, i riu shqiptar humbi jetën pasi u përplas me kokë në asfalt.
Sipas policisë vendase shoku i tij 20 vjeçar ndodhet në spital jashtë rrezikut për jetën.
Ndërsa raportohet se dy të rinjtë nuk kishin vendosur kaska mbrojtëse.