Shkatërrohet banda shqiptare e kokainës, kodet që përdornin dhe si ra në pranga “Asi” - Bota Sot
Shkatërrohet banda shqiptare e kokainës, kodet që përdornin dhe si ra në pranga “Asi”

Diaspora

Shkatërrohet banda shqiptare e kokainës, kodet që përdornin dhe si ra në pranga “Asi”

Më: 26 tetor 2018 Në ora: 21:25
Banda e arrestuar

Një bandë kokaine me katër anëtarë nga Shqipëria është shkatërruar sot nga policia italiane. Në pranga kanë rënë  dy persona një 33-vjeçar i quajtur “Asi” dhe një 44-vjeçar, ndërsa janë shpallur në kërkim dy anëtarët e tjerë të bandës një 31-vjeçar dhe 24-vjeçar, identiteti i të cilëve ende nuk bëhet i ditur.

Siç shkruajnë mediat italiane anëtarët e bandës kishin lidhje familjare me njëri-tjetrin, në mesin e tyre ishin dy vëllezër dhe një kushëri, të gjithë me origjinë nga Shqipëria, të cilët jetonin falë aktivitetit të shpërndarjes së kokainës.

Siç shkruajnë mediat italiane biznesi i tyre shkonte vaj, me të paktën 250 klientë të shpërndarë për qytet. Të katër ata sipas policisë merrnin qindra telefonata në ditë. Posedonin dy celularë, që e kalonin dorë më dorë dhe shisnin vetëm kokainë.  Shpërndarësit ishin të specializuar, për çdo lloj dorëzimi, madje edhe ato brenda në shtëpi. Dy nga pjesëtarët e bandës udhëtonin shpesh drejt Shqipërisë, ndaj edhe dyshohet se fshihen në vendin tonë.

“Jemi dy, shihemi si zakonisht, më sill një cd, shihemi për një kafe”, ishin disa nga kodet e përdorura në biseda ndërmjet trafikantëve dhe klientëve.

Të katër anëtarët e bandës jetonin në dy apartamente me qira, por vetëm një nga ata dispononte leje qëndrimi në shtetin italian.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...