Një grup italo-shqiptar u godit nga karabineirët në Trentino, duke çuar në pranga 18 persona. Operacioni i koduar "Sciamano" nisi në tetor të vitit të shkuar.
Hetimet çuan hetuesit tek bari "Anny" i menaxhuar nga shtetasi italian Paolo Girardi, i konsideruar një vend ku mund të merrje kokainë në çdo kohë.
Hetimet çuan në zbulimin e ekzistencës së një grupi të mirëorganizuar, i drejtuar përveç shtetasit italian edhe nga shqiptari Taulant Shtembari.
Puna hetimore nuk u ndal thjesht në identifikimin e individëve, por për të përvijuar hartën e një organizate kriminale që vepronte në mënyrë piramidale, me ndarje të qarta të roleve dhe funksioneve të secilit prej anëtarëve.
Lënda narkotike "pritej" kryesisht në bar dhe madje, i filmuar nga kamerat mbikëqyrëse.
Një pjesë e anëtarëve shërbenin si shpërndarës, ndërsa të tjerët menaxhonin klientët e shumtë.
Nga ana tjetër, specifikë e grupit ishte përpunimi i kokainës, gjithmonë e dalluar për shkallën e lartë e pastërtisë, ndërsa përzihej me lëndë si kafeinë, manitol dhe aspirina, duke i sjellë të ardhura të shumta grupit.
Figura veçanërisht funksionale e grupit ishte i riu Vincenzo Marti, i cili menaxhonte blerjen e drogës kryesisht jashtë vendit nëpërmjet dërgesave me postë ose duke e blerë atë direkt tek furnizuesit.
Dy shtetas të tjerë ishin të përkushtuar për shpërndarjen e lëndëve narkotike në mjedise për të mitur, kryesisht në Cavalese.
Një tjetër person me rëndësi në grup ishte një shtetas maroken, i quajtur Hamza Ridha, i cili kryente detyrat e ndërmjetme, duke vënë në kontakt Shëmbarin dhe Girardin.
Grupi ishte i lidhur direkt me një ekip të trafikantëve të drogës së "nivelit të lartë" i vendosur në Milano dhe i kryesuar nga shqiptari Petrit Arapi, shpërndarës droge me një histori qëndrimi në Val di Fiemme që e lejuan atë në kohë të vështira për të vendosur marrëdhënie me Shtëmbarin
Të gjitha hetimet kanë bërë të mundur zbulimin e rreth 1 episodeve të shpërndarjes së kokainës dhe identifikimin e të paktën 100 klientëve.
