Kjo është dieta ushqyese e pasur me folate dhe acid folik më se nevojshme në shtatzëni

Dieta

Kjo është dieta ushqyese e pasur me folate dhe acid folik më se nevojshme në shtatzëni

Më: 13 dhjetor 2020 Në ora: 08:49
Ilustrim

Folati dhe acidi folik janë forma të vitaminës B, të cilat janë të domosdoshme gjatë shtatzënisë dhe ndihmojnë në parandalimin e defekteve të lindjes.

Shumë nëna në pritje të bebit, duan të dinë se ku mund të marrin acid folik natyrshëm gjatë shtatzënisë.

Një dietë normale e ekuilibruar përmban mjaftueshëm acid folik. Sidoqoftë, mungesa e acidit folik do të shkaktojë anemi dhe nganjëherë simptoma të tjera, shkruan American Pregnancy Association.

Shtatzënia bën që rezervat e acidit folik në trupin tuaj të përdoren nga foshnja në rritje. Ju jeni në rrezik të bëheni me nivele të ulëta të acidit folik gjatë fazave të mëvonshme të shtatzënisë, veçanërisht nëse nuk ushqeheni mirë gjatë shtatzënisë.

Cilat janë simptomat e mungesës së acidit folik?

Simptomat për shkak të anemisë shkaktohen nga sasia e zvogëluar e oksigjenit në trup përfshijnë lodhjen, pak energji (letargji), ndjenjë të fikët dhe lehtësisht marrje fryme.

Simptomat më pak të zakonshme përfshijnë dhimbje koke, rrahje zemre që befas bëhen të dukshme (palpitacione), shije të ndryshuar dhe zhurmë në veshët tuaj (tringëllimë në veshët).

Mund të dukeni të zbehta dhe të keni mpirje në duar dhe këmbë poashtu.

Ku mund të gjeni forma natyrale të folatit dhe acidit folik:

Folati gjendet natyrshëm në ushqime të tilla si perime, fruta dhe drithëra, ndërsa acidi folik është forma sintetike e folatit dhe shtohet në suplemente dhe ushqime të fortifikuara.

Marrja ditore e rekomanduar e acidit folik për gratë shtatzëna është 400 – 800 mikrogramë në ditë (0.4 – 0.8 miligramë), ndërsa kufiri i sipërm i rekomanduar nuk është më shumë se 1000 mikrogramë (1.0 miligramë) acid folik në ditë.

Këtu është një listë e disa ushqimeve që përmbajnë folate ose acid folik: perime, spinaq, zarzavate me rrepë, brokoli, asparagus dhe lakër Brussel. Pastaj kemi prej frutave edhe: avocado, papaja dhe portokalli.

Për fund vlen të ceket se kemi dhe fasulen, thjerrëzat, bizelet, fara luledielli, kikirikët dhe mishi janë poashtu të pasur me folate dhe acid folik. 

Shfaq komentet
comments powered by Disqus
Sot mund të lexoni Shfletoni kopertinat