Gjykata e Durrësit ka vendosur të pranojë kërkesën e Prokurorisë dhe të vlerësojë si të ligjshëm arrestimin e Ndue Zefit, i cili se vrau 45-vjeçarin Martin Ndreca.
Gjykata caktoi masën e sigurisë ‘Arrest me burg’ ndaj shtetasit Ndue Zefi.
Ndue Zefi akuzohet për veprat penale ‘Vrasje në rrethana cilësuese’ dhe ‘Armëmbajtje pa leje’.
Viktima dhe autori i ngjarjes kanë qenë duke pirë alkool në një nga lokalet e zonës, ku edhe ka nisur sherri mes tyre për arsye banale duke përfunduar në vrasje.
Pas sherrit, 37-vjeçari ka shkuar në shtëpi duke marrë një armë kallashnikov dhe duke pritur viktimën pranë shtëpisë së tij. Aty e ka qëlluar me 5 plumba, nga të cilët vetëm njëri prej tyre ka kapur 45-vjecarin në pjesën e shpatullës, por kjo ka rezultuar fatale për të.
