Trageti i linjës Durrës-Ankona është nisur me tre orë vonesë nga porti i Durrësit.
Shkak mësohet se ka qenë fluksi i trajlerave dhe kamionëve që u imbarkuan në traget.
Trageti i linjës Durrës-Ankona duhej të nisej në orën 17.00, po numri i lartë i kamionëve e ka vonuar procesin e kontrollit dhe përpunimit në kohë, duke shkaktuar një vonesë prej 3 orësh.
Burime nga porti detar i Durrësit bëjnë me dije se 86 trajlera i janë nënshtruar procesit të skanimit në pikën doganore të Durrësit gjatë pasdites e mbrëmjes së të mërkurës.
Përballimi i fluksit të mjeteve, veçanërisht kamionëve në kufi mbetet një sfidë teknologjike dhe logjistike.