Antikorrupsioni ndalet në Durrës, Gjonaj: 9 masa disiplinore për drejtuesin dhe specialistët e mjedisit - Bota Sot
Antikorrupsioni ndalet në Durrës, Gjonaj: 9 masa disiplinore për drejtuesin dhe specialistët e mjedisit

Durrësi

Antikorrupsioni ndalet në Durrës, Gjonaj: 9 masa disiplinore për drejtuesin dhe specialistët e mjedisit

Më: 4 prill 2019 Në ora: 14:47
Etilda Gjonaj

Ministria e Drejtësisë, Etilda Gjonaj bëri  publike masat e marra nga kontrollet e Task Forcës Antikorrupsion. Etilda Gjonaj tha se Task Forca është ndalur në Drejtorinë Rajonale të Mjedisit në Durrës, ku janë konstatuar shkelje në lidhje me lejet mjedisore.

Si pasojë  e shkeljeve Gjonaj tha se janë rekomanduar 9 masa disiplinore përfshirë drejtorin e Agjensisë rajonale mjedisore Durrës në detyrë dhe drejtorin e komanduar të agjencisë.

"Gjatë javës së kaluar, Task Forca Antikorrupsion ka vijuar kontrolle dhe inspektime në institucionet e administratës publike dhe zyrat që ofrojnë shërbime për qytetarët.

Pas një denoncimi të kryer të platformën e bashkëqeverisjes shqiperiaqeduam.al Task Forca Antikorrupsion ka kryer një kontroll të detajuar pranë Agjencisë Rajonale të Mjedisit Durrës (ARMD), lidhur me respektimin e kërkesave ligjore në ushtrimin e funksioneve rregullatore për lejet e mjedisit, dhënien e lejeve mjedisore, monitorimin e gjendjes së mjedisit, vlerësimin e ndikimit në mjedis, parimin e përgjegjësisë mjedisore, si dhe kontratat e lidhura në përfundim të procedurave të prokurimit.

Nga kontrolli janë evidentuar shkeljet në vijim;

-Mosadministrim i praktikave në korrespondencë me pushtetin vendor apo edhe me ISHMPUT-në duke i kthyer shpeshherë në leje formale

-Mos kryerja e verifikimeve në terren nga ana e strukturave të agjensisë për mospërputhje të dokumentacionit të pronësisë të ambienteve

-Mungesa e standartizimit në rastet e refuzimit të vetëmonitorimeve sipas aktiviteteve që ushtrojnë subjektet;

-Mos kryerje e matjes së zhurmave nga laboratorë të akredituar dhe të certifikuar nga Drejtoria e Pergjithshme e Akreditimit;

Në përfundim të kontrollit janë rekomanduar 9 masa disiplinore;

-Pezullim nga e drejta e ngritjes në detyrë, përfshirë rritjen në shkallën e pagës për një periudhë deri në dy vjet, për drejtorin e Agjensisë rajonale mjedisore Durrës në detyrë, në kohën e shkeljeve të konstatuara;

-Vërejtje për Drejtorin e komanduar të Agjensisë 

- 7 “vërejtje” specialistët të monitorimit dhe specialistë të mjedisit.

Gjithashtu kontrolle periodike vazhdojnë të ushtrohen edhe nga Shërbimi i Kontrollit të Brendshëm në Sistemin e Burgjeve.

Në datën 01.04.2019, janë referuar në Prokurorinë e Rrethit Gjyqësor Krujë materialet procedurale, në ngarkim të 3 punonjësve të IEVP Fushë – Krujë, për veprën penale falsifikimi i dokumenteve dhe shpërdorim i detyrës.

Nga strukurat kundër korrupsionit, në Policinë e Shtetit, për periudhën nga javën që lamë pas janë evidentuar 19 vepra penale në fushën e korrupsionit dhe shpërdorimit të detyrës, duke proceduar penalisht 27 autorë.", u shpreh Gjonaj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...