Policia rrugore e Durrësit ka marrë masat për mbarëvajtjen e trafikut në këto ditë të sezonit veror.
Aksi më problematik është ai që të çon tek Gjiri i Lalzit.
"Akset kryesore dhe më problematike janë Maminas-Gjiri i Lalzit, Maminas-Unaza e Shkozetit, Plepa-Golem, Ura e Gjolës-Fushë Krujë-Thumanë. Në këto akse për gjithë sezonin turistik janë me shërbime të përforcuara për menaxhimin e trafikut".
Drejtuesit e policisë rrugore kishin edhe një apel për shoferët:
"Të bëjnë kujdes me respektimin e normave të sjelljes. Të bëjnë distancën nga mjetet, të bëjnë kujdes me përdorimin e celularit dhe parakalimet".