Gjykata e Durrësit ka vendosur ta lërë jashtë qelive të burgut zv.drejtorin e kadastrës në qytet Arben Isaku, i cili është dhe numri dy i PS-së dega Durrës.
Isaku u akuzua për përfshirje në një skemë abuzive, pasi duke shfrytëzuar postin e tij si zv.drejtor, ka legalizuar me dokumenta false një truall prej qindra metrash katror në zonën e plazhit.
E njëjta masë, “detyrim paraqitje”, iu dha dhe specialistit që kreu abuzimin së bashku me Isakun.
Arben Isaku u shpall në kërkim nga policia me zbulimin e skandalit dhe numri dy i PS-së u vetëdorëzua. Këtë të mërkurë gjykata e zhvilloi seancën pa praninë e medias dhe vendosi që t’i lërë të akuzuarit nën masën e detyrimit të paraqitjes.
