Bllokohen 3603 ton grurë në portin e Durrësit - Bota Sot
Bllokohen 3603 ton grurë në portin e Durrësit

Durrësi

Bllokohen 3603 ton grurë në portin e Durrësit

Më: 20 shtator 2019 Në ora: 22:38
Porti i Durrësit

Një anije ruse me një ngarkesë prej 3603 ton grurë është bllokuar në portin e Durrësit, pas një vendimi të Gjykatës së Durrësit.

Anija është ankoruar në kalatën nr.2 të portit detar të Durrësit mbrëmjen e 31 gushtit për të shkarkuar ngarkesën me grurë, po një mosmarrëveshje për pagesën dhe mallin mes pritësit shqiptar të mallit dhe dërguesit ka shkaktuar pezullim të procesit të shkarkimit të grurit rifuxho me destinacion tregun shqiptar.

Anija “SV. Georgiy Pobedonosets” me flamur rus, prodhim i vitit 2003, do të qëndrojë në port deri në zgjidhjen e mosmarrêveshjes mes palëve kontraktuese, ndërsa kostot e qëndrimit të saj në port do të shtojnë kostot e këtij transporti për palën që do të gjendet përgjegjëse për gjendjen. Burimet portuale bëjnë me dije se anija ishte nisur nga porti rus i Volgodonskut.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...