Mbërrijnë nga Italia 380 shqiptarë, një traget tjetër pritet të vijë - Bota Sot
Mbërrijnë nga Italia 380 shqiptarë, një traget tjetër pritet të vijë

Durrësi

Mbërrijnë nga Italia 380 shqiptarë, një traget tjetër pritet të vijë

Më: 11 mars 2020 Në ora: 09:40
Durrës

380 shqiptarë të tjerë kanë mbërritur në portin e Durrësit nga Italia. Sot ishte parashikuar që në vendin tonë të mbërrinin dy traget nga Bari, ndërkohë që njëri prej tyre është ankoruar.

Për sa i përket tragetit tjetër mësohet se po vjen drejt portit të Durrësit. Të gjithë personat që kanë mbërritur në Durrës dhe që pritet të vijnë do tu nënshtrohen testeve përkatëse për të parë nëse rezultojnë mbartës të virusit vdekjeprurës, CoVid-19.

Kujtojmë se mëngjesin e së martës në portin e Durrësit kanë mbërritur me traget nga Italia 630 udhëtarë. Një pjesë e mirë e 630 udhëtarëve që zbarkuan në port nga dy tragetet e Barit pranonin se vijnë nga Veriu i Italisë.

Deri më tani në vendin tonë janë prekur 10 persona nga koroanvirusi ndërkohë që pritet që ky numër të rritet nga dita në ditë. Italia ka ndërmarra masa të rrepta për të frenuar përhapjen e koroanvirusit. Në të gjithë vendin janë kufizuar lëvizjet të cilat bëhen vetëm me lejen e autoriteteve.

Edhe në Shqipëri janë marrë masa kundër përhapjes së virusit të lindur në Kinë. Shumë ambiente publike janë mbyllur ndërkohë që është bërë thirrje që të shmangen të gjithë ambientet publike ku ka shumë njerëz.

Shfaq komentet
comments powered by Disqus
Sot mund të lexoni Shfletoni kopertinat