Fluks në Durrës/ 10 mijë udhëtarë kanë mbërritur në fundjavë me tragete

Durrësi

Fluks në Durrës/ 10 mijë udhëtarë kanë mbërritur në fundjavë me tragete

Më: 26 korrik 2021 Në ora: 14:57
Foto ilustrim

Afro 10 mijë udhëtarë kanë mbërritur në fundjavë me tragete në portin detar të Durrësit.

Gjithashtu me tragetet e linjave Bari-Durrës dhe Ankona Durrës, të shtunën dhe të dielën kanë mbërritur edhe 3021 mjete.

Udhëtarët janë kryesisht familje shqiptare dhe kosovarë që jetojnë dhe punojnë në vendet e BE-së dhe zgjedhin gjithmonë t’i kalojnë pushimet verore në atdhe pranë të afërmve të tyre.

Kapiteneria e portit bën me dije se për t’iu përgjigjur këtij fluksi udhëtarësh, kompanitë kanë shtuar numrin e lundrimeve si dhe tragetet në linja, ndërsa autoritetet kanë marrë masat për një përpunim të shpejtë të udhëtarëve.

Gjatë dy ditëve të fundjavës janë kryer 10 lundrime mes brigjeve të Adriatikut (5 tragete në ditë), ndërsa në këtë fillim jave kanë mbërritur në port dy tragetet e linjës së Barit dhe një i Ankonës, që kanë sjellë të tjerë udhëtarë dhe mjete përmes vendkalimit kufitar të Durrësit dhe pasdite e në mbrëmje do të lundrojnë në kthim drejt porteve italiane.

Shfaq komentet
comments powered by Disqus
Sot mund të lexoni Shfletoni kopertinat