Një vajzë e re në Durrës i është drejtuar disa ditë më parë policisë së Durrësit pasi pretendonte se i kishin vjedhur makinën.
Vajza në fjalë me inicialet Sh.H., ka kallëzuar në polici rreth orës 10:00 se i kanë vjedhur makinën tip “Peugeot”.
Pas hetimeve, policia bëri me dije se makinë e të resë nuk ishte vjedhur nga hajdutët.
Vetë vajza është drejtuar pastaj në polici ku ka deklaruar se e ka gjetur makinën dhe se nuk ia kishin vjedhur, thjesht ajo kishte harruar vendin ku e kishte parkuar atë.
Materialet për çështjen në fjalë iu referuan në Prokurorinë pranë Gjykatës së Shkallës së Parë Durrës, për vlerësim.
