Një aksident ka ndodhur këtë të dielë në zonën e Kënetës, Durrës.
Një makinë me gjashtë persona ka përfunduar në kanal.
Report Tv raporton se personat të cilët kanë qenë të së njëjtës familje, janë ndihmuar nga banorët e zonës pasi makinës tip "Ford" nuk i hapeshin dyert nga brenda. Bëhet me dije se konkretisht brenda makinës kanë qenë 5 gra dhe 1 burrë, drejtuesi i automjetit.
Sikurse duket edhe nga videoja, aksidenti ka shkaktuar vetëm dëme materiale. Sa i takon pranisë së policisë, mësohet se ka mbërritur në vendngjarje vetëm pasi lajmi është bërë i ditur nga mediat.
