Hamza: Reformat fiskale rezultuan në lehtësimin e të bërit biznes

Ekonomi

Hamza: Reformat fiskale rezultuan në lehtësimin e të bërit biznes

Më: 28 janar 2019 Në ora: 14:46
Tryeza e organizuar nga Oda Ekonomike Amerikane në Kosovë

“Zhvillimi i qëndrueshëm ekonomik në vend ndikohet drejtpërdrejt nga avancimi i sektorit privat, dhe rrjedhimisht, lehtësirat dhe reformat fiskale të ofruara në këtë drejtim janë kyçe në vazhdimin e rritjes ekonomike dhe stabilitetit makrofiskal” u theksua sot në tryezën e organizuar nga Oda Ekonomike Amerikane në Kosovë me ministrin e Financave Bedri Hamza, mbi efektet e reformave fiskale në mjedisin e të bërit biznes në Kosovë.

Kështu ka bërë të ditur Ministria e Financave përmes një komunikate për media.

Ministri i Financave Bedri Hamza theksoi se viti 2018 shënoi një numër të madh reformash fiskale të cilat kanë rezultuar në lehtësira për sektorin privat në Kosovë, e po ashtu është reflektuar edhe në performancë të mirë të të hyrave.

“Duke qenë se sektori privat është nxitësi kryesor i zhvillimit ekonomik në vend, nevojitet një qasje më e drejtpërdrejt ndaj bizneseve për të adresuar sfidat dhe pengesat të cilat i hasin në treg”, shtoi Hamza.

 Ai gjithashtu bëri të ditur se viti 2019 do të karakterizohet me vazhdim të reformave të tilla në drejtim të ndihmesës ndaj sektorit privat si dhe thjeshtësim të procedurave tatimore e jo ngarkesa dhe pengesa për bizneset.

“Ndërsa, drejtori Ekzekutiv i Odës Amerikane Arian Zeka, tha se duke qenë një nga palët më të rëndësishme për sektorin privat, Ministria e Financave ka ndërmarrë një numër reformash fiskale gjatë vitit 2018 të cilat kanë ndikuar në zhvillimin dhe fuqizimin e mëtutjeshëm të bizneseve duke falënderuar Ministrin Hamza për bashkëpunimin në këtë drejtim”, theksohet në komunikatë.

commentFirst article
Sot mund të lexoni Shfletoni kopertinat