Produktet e Kosovës prezantohen në Panairin “BIOFACH 2019” në Nuremberg

Ekonomi

Produktet e Kosovës prezantohen në Panairin “BIOFACH 2019” në Nuremberg

Më: 13 shkurt 2019 Në ora: 15:46
Nuremberg

Ministria e Tregtisë dhe Industrisë përmes Agjencisë për Investime dhe Përkrahjen e Ndërmarrjeve në Kosovë (KIESA), ka organizuar pjesëmarrjen e pesë kompanive kosovare në panairin “BIOFACH”, që po mbahet në Nuremberg të Gjermanisë.

“Eurofruti”, “Fungo”, “OrganicHerb”, “Agroproduct” dhe  “Hit-Flores” janë kompanitë kosovare që janë duke i promovuar produktet e tyre si: fruta mali, bimë mjekuese, aromatike para blerësve dhe vizitorëve nga shtete të ndryshme pjesëmarrëse në këtë panair.

“BIOFACH” është panair në të cilin  promovohen ushqimet organike. Ky panair është një mundësi e mirë për kompanitë kosovare të takohen më prodhues profesionalë të ushqimit organik dhe të njihen me trendet e fundit të këtij sektori.

Ndryshe, panairi do të qëndrojë i hapur nga 13 deri 16 shkurt.

Sot mund të lexoni Shfletoni kopertinat