Bizneset kosovare dhe hungareze shkëmbejnë përvojat - Bota Sot
Bizneset kosovare dhe hungareze shkëmbejnë përvojat

Ekonomi

Bizneset kosovare dhe hungareze shkëmbejnë përvojat

Më: 28 mars 2019 Në ora: 14:27
Foto

Ambasada Hungareze në Kosovë në bashkëpunim dhe me përkrahjen e Ministrisë së Bujqësisë, Pylltarisë dhe Zhvillimit Rural, mbajtën konferencën e titulluar “Konferenca për Bujqësinë Hungareze në Kosovë”.

Kjo konferencë mblodhi biznese të ndryshme nga Kosova dhe Hungaria, ku bizneset e ardhura nga Hungaria kishin për qëllim prezantimin e veprimtarive të tyre dhe ofrimin e partneritetit me bizneset Kosovare që ishin të pranishme në këtë konferencë.

Sipas një komunikate të Ministrisë së Bujqësisë, në fjalët e tyre hyrëse, përfaqësuesit nga Ministria e Bujqësisë, Pylltarisë dhe Zhvillimit Rural dhe Ambasada Hungareze i falënderuan të pranishmit për pjesëmarrjen dhe shprehën gatishmërinë për përkrahje në ndërtimin e kontakteve mes bizneseve të të dyja vendeve, si dhe thellimin e bashkëpunimit në të ardhmen.

“Bizneset kosovare dhe ato hungareze, patën mundësinë e prezantimit të veprimtarive të tyre dhe shkëmbimit të përvojave përmes sesionit të takimeve individuale, gjë që nga palët u cilësua si shumë i frytshëm. Të pranishëm në këtë konferencë ishin edhe studentë të Universitetit të Prishtinës të cilët Ambasada Hungareze i përkrah çdo vit me bursa studimi, me ç’rast ata u shprehën të kënaqur me përkrahjen e tyre. Të pranishmit, në pjesën përmbyllëse të konferencës u falënderuan nga organizatorët për pjesëmarrjen dhe gjithashtu organizatorët u zotuan se kjo konferencë do të vazhdojë të jetë tradicionale duke u zgjeruar çdo vit në aspektin e bashkëpunimit dhe lidhjes së kontakteve në mes të bizneseve kosovare dhe atyre hungareze”, thuhet në komunikatë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...