MIT dhe KOSTT me marrëveshje bashkëpunimi për projektet e reja - Bota Sot
MIT dhe KOSTT me marrëveshje bashkëpunimi për projektet e reja

Ekonomi

MIT dhe KOSTT me marrëveshje bashkëpunimi për projektet e reja

Më: 3 prill 2019 Në ora: 13:57
Pamje nga takimi

Ministri i Infrastrukturës dhe Transportit Pal Lekaj, të mërkurën priti në një takim kryeshefin ekzekutiv të Operatorit të Sistemit të Transmisionit dhe Tregut (KOSST), Ilir Shala, me të cilin nënshkroi marrëveshje bashkëpunimi, njofton kumtesa nga MIT.

MIT dhe KOSTT me anë të kësaj marrëveshje të bashkëpunimit, rregullojnë mënyrën e bashkëpunimit mes dy institucioneve sa i përket shtrirjes së rrjetit elektrik në brezin rrugor të rrugëve rajonale dhe autostradave të reja, e të cilat janë në pronësi të MIT-së.

I pari MIT-së Pal Lekaj tha se ky bashkëpunim krijon lehtësira në implementimin me kohë të projekteve nga të dyja institucionet e që shkojnë në të mirë të qytetarëve dhe projekteve infrastrukturore.

Kryeshefi Ekzekutiv i KOSTT-it, Ilir Shala, duke shprehur kënaqësinë për nënshkrimin e kësaj marrëveshje me rëndësi për të dyja institucionet tha se bashkëpunimi me MIT-në do të mbetet i vazhdueshëm.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...