Ministri i Ekonomisë dhe Tregtisë, Endrit Shala, është takuar me sekretarin për investime të huaja në Ministrinë e Ekonomisë së Emirateve të Bashkuara z. Abdulla Ahmed Al Saleh, përcjellë “Bota Sot”.
Ai përmes facebook shkruan se, sekretarin e njoftova për mundësitë që ofron Kosova për investime, duke theksuar se vendet tona janë mike, dhe këtë miqësi ne duhet te vazhdojmë ta kultivojmë, duke u lidhur më shume ekonomikisht.
Postimi i plotë:
Sot pata kënaqësinë ta takoj sekretarin për investime të huaja në Ministrinë e Ekonomisë së Emirateve të Bashkuara z. Abdulla Ahmed Al Saleh. Me z. Al Saleh biseduam miqësisht dhe e njoftova për mundësitë që ofron Kosova për investime, duke theksuar se vendet tona janë mike, dhe këtë miqësi ne duhet te vazhdojmë ta kultivojmë, duke u lidhur më shume ekonomikisht. Emiratet e Bashkuara janë shembull se si një burim natyror është kthyer në mjet për zhvillim, por politikat e duhura ekonomike kanë bërë që ky burim tashmë të mos jetë gjeneruesi kryesor ekonomik. Ne duhet ta përdorim kapitalin tonë njerëzor dhe ekonomike në mënyrë që të vazhdojmë me krijimin e politikave të duhura që thithin më shumë investitor, që rrisin punësimin, eksportin dhe zhvillojnë vendin. E.SH
