Ministri i Tregtisë dhe Industrisë, Endrit Shala, ka marrë pjesë në monitorim të vazhdueshëm dhe duke analizuar çdo lloj barriere tregtare, tarifore dhe jo tarifore që vendoset për produktet e Kosovës, përcjell “Bota sot”.
Shala përmes një postimi në Facebook ka bërë të ditur se, sot ka pasur takim ku u prezantu raporti tregtar, ku shihet qartë që barrierat tarifore dhe jo tarifore më të larta janë me Serbinë, por edhe vendet tjera.
Postimi plotë:
Ministria e Tregtisë dhe Industrisë është në monitorim të vazhdueshëm dhe duke analizuar çdo lloj barriere tregtare, tarifore dhe jo tarifore që vendoset për produktet e Kosovës gjatë eksportit në cilindo vend, sidomos me ato të CEFTA-së.
Sot patëm takim ku u prezantu raporti tregtar, ku shihet qartë që barrierat tarifore dhe jo tarifore më të larta janë me Serbinë, por edhe vendet tjera.
Ne jemi në kontakt të vazhdueshëm me institucionet e vendeve mike që secilën barrierë tregtare për produktet e Kosovës ta eliminojmë në kohë sa më të shkurtër të mundshme.E.SH
