Java ka nisur me luhatje të lehta duke reflektuar qëndrueshmëri në tregun valutor vendas për monedhat kryesore euro dhe dollari amerikan.
Sipas kursit zyrtar të Bankës së Shqipërisë, euro u këmbye sot me 123,33 lekë ose, 0,04 lekë më pak se në fund javë. Ndërsa dollari amerikan humbi lehtë 0,05 lekë dhe këmbehet me 109,82 lekë.
Aktorët e tregut shprehen se luhatjet në tregun valutor, i adresohen më së shumti ndryshimeve në bursat ndërkombëtare. Por sipas tyre, ndikim pritet të japë në vijim edhe afrimi i sezonit veror, ku fluksi i turistëve dhe vizitorëve sjell forcim të pozitave të lekut kundrejt valutave të huaja.