Lluka: Franca partnere e rëndësishme për zhvillimin e Kosovës - Bota Sot
Lluka: Franca partnere e rëndësishme për zhvillimin e Kosovës

Ekonomi

Lluka: Franca partnere e rëndësishme për zhvillimin e Kosovës

Më: 23 shtator 2019 Në ora: 12:41
Valdrin Lluka

Ministri në detyrë i Zhvillimit Ekonomik Valdrin Lluka ka pritur sot në takim ambasadoren e re të Francës Marie Christine Butel, të cilën e njoftoi për zhvillimet ekonomike në vend, ecurinë e projekteve franceze në Kosovë, si dhe intensifikimin e partneritetit ekonomik mes dy shteteve.

Gjatë takimit, ministri Lluka ka konfirmuar gatishmërinë e  Kosovës për të vazhduar me rritjen e bashkëpunimit ekonomik të dy vendeve nëpërmjet rritjes së investimeve direkte të investitorëve francezë në Kosovë dhe promovimit të produkteve kosovare në Francë.     

Në takim gjithashtu është diskutuar ecuria e implementimit të projektit për ndërtimin e Impiantit për Trajtimin e Ujërave të Zeza për qytetin e Prishtinës, Fushë Kosovës dhe Obiliqit, projekt ky në vlerë 86 milionë euro.

Ambasadorja Christine Butel, i ka përcjellë ministrit Lluka, angazhimin dhe rolin e Francës, për ta përkrahur Kosovën në të gjitha proceset që ndihmojnë vendin tonë në zhvillimin ekonomik.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...