Nënshkruhet Kodi i Bizneseve kundër Korrupsionit - Bota Sot
Nënshkruhet Kodi i Bizneseve kundër Korrupsionit

Ekonomi

Nënshkruhet Kodi i Bizneseve kundër Korrupsionit

Më: 6 nëntor 2019 Në ora: 07:34
Foto ilustrim

Sot do të bëhet nënshkrimi i Kodit të Bizneseve kundër Korrupsionit, një event ky i organizuar nga Instituti Riinvest.

Kodi përkufizon norma, aktivitete dhe nxitë motivimin e subjekteve ekonomike për t'i përvetësuar dhe zbatuar standardet më të mira ndërkombëtare për luftimin dhe parandalimin e korrupsionit nga ana e ofertës, përkatësisht korruptimi nga ana e bizneseve.

Kodi ka për qëllim që t’i ndihmojë bizneset të implementojnë aktivitete të drejta, transparente dhe ligjore.

Përmbajtja e Kodit është përgatitur duke u konsultuar me shoqatat e bizneseve të cilat veprojnë në Kosovë si dhe duke u konsultuar me bizneset nga të gjitha rajonet e Kosovës.

Në këtë event do të bëhet nënshkrimi i Kodit nga gjashtë shoqata të bizneset si dhe nga bizneset të cilat vullnetarisht pranojnë ta nënshkruajnë dokumentin.

Ky grant është mundësuar nga “Programi i shoqërisë civile për Shqipërinë dhe Kosovën”, financuar nga Ministria e Punëve të Jashtme të Norvegjisë dhe menaxhuar nga Fondacioni Kosovar për Shoqëri Civile (KCSF) në partneritet me Partnerët Shqipëri për Ndryshim dhe Zhvillim (PA). Përmbajtja dhe rekomandimet e paraqitura nuk përfaqësojnë qëndrimin zyrtar të Ministrisë së Punëve të Jashtme të Norvegjisë dhe Fondacionit Kosovar për Shoqëri Civile (KCSF).

Shfaq komentet
comments powered by Disqus
Sot mund të lexoni Shfletoni kopertinat