Sindikatat e shëndetësisë, arsimit dhe policisë kanë paralajmëruar greva në rast se nuk zbatohet Ligji për Paga këtë muaj.
Federata e Sindikatave të Shëndetësisë në një njoftim për media javën e kaluar ka paralajmëruar për ditën e sotme një mbledhje të Bordit Drejtues ku do të merret vendimi për veprimet sindikale.
Por sot sindikalistët e shëndetësisë dhe sektorëve tjera pritet të takohen me kryetarin e Lëvizjes Vetëvendosje Albin Kurti, i cili fitoi zgjedhjet e 6 tetorit dhe pritet të marr pozitën e kryeministrit.
Këto zhvillime kanë ndodhur pasi Avokati i Popullit dërgoi Ligjin në Gjykatën Kushtetuese, pas ankesave dhe pakënaqësive të kategorive të ndryshme të punëtorëve të shtetit.
Avokati Hilmi Jashari ka përmendur rastin e infermierëve dhe ankesat e tyre për koeficientin.
