Që nga fillimi i vitit 2019, Banka Kombetare Tregtare Kosovë Sh.A., ka ndërmarrë veprime dhe investime në implementimin e shumë projekteve që synojnë transformimin dhe digjitalizimin e shërbimeve.
Përderisa banka ka vazhduar të transformojë produktet dhe shërbimet ekzistuese, ajo ka zhvilluar edhe produkte të reja që përbëjnë momente historike të rëndësishme në dixhitalizim, jo vetëm për vetë bankën, por për të gjithë sektorin bankar në vend.
Në këtë drejtim, BKT-ja prezantoi platformën e saj të investimeve “Smart Invest” në eventin e fundvitit me klientë, më 19 Dhjetor, 2019. Platforma e investimeve u prezantua për pjesëmarrësit e eventit në mënyrë interaktive, duke bërë sondazhe të menjëhershme me ta për të kuptuar pritjet e tyre nga një platformë investimesh.
“BKT ndjehet e privilegjuar të jetë lidere në lansimin e platformës së parë dhe të vetme të investimeve në vend, e cila do të hap dyert për qytetarët e Kosovës për të hyrë në tregjet ndërkombëtare financiare. “Smart Invest” do t’u japë klientëve tanë qasje të drejtpërdrejtë në produkte të larmishme si FX, mallra dhe aksione, jo vetëm në tregjet e niveleve të larta, si SHBA-ja, Gjermania, Japonia ose Britania e Madhe, por edhe në Afrikën e Jugut, Peru dhe shumë tregje të tjera, ku ata mund të bëjnë tregti me investitorët ndërkombëtarë.
Vetë platforma u siguron klientëve qasje të drejtpërdrejtë dhe miqësore për përdoruesit, që do të thotë se ata mund të kryejnë çdo investim vetë, në mënyrë të pavarur, pa pasur nevojë të bëjnë kërkesa paraprake në bankë. Klientët e interesuar mund të kryejnë investime me një klik, me çmimet më të mira të tregut duke përdorur platformën tonë “Smart Invest”, qoftë përmes e-banking ose mobile banking. “, thekson Z. Muharrem Inan, Udhëheqës i Thesarit dhe Institucioneve Financiare në BKT Kosova.
“Smart Invest” do t’i lejojë klientët të monitorojnë tregjet në telefonin e tyre, ku ata gjithashtu mund të lexojnë lajme të menjëhershme, të pranojnë njoftime dhe alerte, të paraqesin kërkesa dhe të bëjnë analiza teknike. Për më tepër, klientët do të jenë në gjendje të shohin historinë e investimeve të tyre, analizën e performancës, lëvizjet e llogarive dhe shumë më tepër informacion me transparencë të plotë.
Në mënyrë që klientët të njihen me shërbimin më të ri bankar në treg, BKT do të organizojë sesione trajnimi dhe do të shpërndajë buletine të ekonomisë për klientët, ndërsa klientët mund të bëjnë çdo pyetje në bankë përmes seksionit të bisedave brenda BKT “Smart Invest”. Sidoqoftë, marrë për bazë që shërbimi për tregun është risi, klientët mund të kontaktojnë bankën në çdo kohë për të marrë informacion më të detajuar, qoftë duke dërguar një email në [email protected] ose duke telefonuar përmes +383 38 666 666.
