Pezullohet rimbursimi i qytetarëve nga grumbullimi i kuponëve fiskal

Ekonomi

Pezullohet rimbursimi i qytetarëve nga grumbullimi i kuponëve fiskal

Më: 18 mars 2020 Në ora: 12:24
Foto Ilustrim

Bazuar në vendimin e Qeverisë së Kosovës 01/07 datë 11.03.2020, si dhe vendimin e drejtorit të përgjithshëm të ATK-së 09-06-1336, për ndërmarrjen e masave shtesë pas konfirmimit të rasteve pozitive me Coronavirus, Administrata Tatimore e Kosovës, njofton se rimbursimi nga grumbullimi i kuponëve fiskal do të pezullohet për një kohë të pacaktuar.

ATK thotë se për ri-aktivizimin e kampanjës, qytetarët do të informoheni me kohë.

“ATK ju inkurajon që të vazhdoni me marrjen e kuponëve fiskal dhe të jeni të vetëdijshëm se duhet të pajiseni me kuponë fiskal në momentin e blerjes së mallit apo shërbimit. Personi i cili nuk merrë kuponin fiskal: dëmton veten dhe të tjerët; nuk kontribuon në zhvillimin e vendit; nuk përmbush një nga detyrimet qytetare, si dhe ndihmon evazionin fiskal”, thuhet nënjoftimin e ATK-së.

commentFirst article
Sot mund të lexoni Shfletoni kopertinat