Mustafa: Kriza me pandeminë shton nevojën për një ristrukturim të buxhetit - Bota Sot
Mustafa: Kriza me pandeminë shton nevojën për një ristrukturim të buxhetit

Ekonomi

Mustafa: Kriza me pandeminë shton nevojën për një ristrukturim të buxhetit

Më: 30 mars 2020 Në ora: 15:14
Muhamet Mustafa

Ish-deputeti i Lidhjes Demokratike të Kosovës dhe profesori universitar, Muhamet Mustafa ka thënë se, në këtë krizë të pandemisë duhet të ketë ristrukturim të buxhetit.

Sipas tij, kjo duhet të bëhët me kujdes dhe jo nën presionin e panikës.

“Kriza me pandeminë dhe dimensionet e saj, që tani, shtrojnë nevojën për një ristrukturim të buxhetit. Kjo duhet të shihet me më kujdes dhe të studiohet më mirë dhe jo nën presionin e panikës”, ka shkruar Mustafa në Facebook.

Buxheti për vitin 2020 do të jetë 2 miliardë e 357 milionë euro.

Shkrimi i plotë

RISTRUKTURIMI I BUXHETIT

Kriza me pandeminë dhe dimensionet e saj, që tani, shtrojnë nevojën për një ristrukturim të buxhetit. Në këtë ristrukturim sigurisht duhet të shihet edhe mënyra me produktive e mbështetjes së sektorit privat. Por kjo duhet të shihet me më kujdes dhe të studiohet më mirë dhe jo nën presionin e panikës. Për shembull, të shihet efekti i subvencionimit të pagave më 170 euro apo mund të përdoren më mirë. Pastaj, le të kuptohet se tërë barrën e kësaj situate nuk mund ta mbajë vetëm buxheti modest i Kosovës. Ndaj, se paku në këtë moment, po duket e tepruar një eufori me kërkesa, shoqatash e sindikatash të adresuara tek intervenimet buxhetore.

Shfaq komentet
comments powered by Disqus
Sot mund të lexoni Shfletoni kopertinat