Bajrami njofton për pagesat e fundit që u bën në kuadër të Pakos Emergjente, falënderon qytetarët për durimin

Ekonomi

Bajrami njofton për pagesat e fundit që u bën në kuadër të Pakos Emergjente, falënderon qytetarët për durimin

Më: 12 gusht 2020 Në ora: 18:47
Hykmete Bajrami

Ministrja e Financave, Hykmete Bajrami ka bërë të ditur se sot janë bërë pagesat për 826 përfitues, prej të cilëve 782 përfitues morën nga dy pagesa përnjëherë (pra dy herë nga 130 euro), kurse 44 përfitues morën tri pagesa përnjëherë, me shumë totale 220 mijë e 480 euro.

Këto pagesa u përfshinë në masën numër 8, që është pagesë e asistencës mujore për qytetarët që humbën vendin e punës për shkak të situatës emergjente.

Gjithashtu Bajrami tha se u bë edhe pagesa për 288 biznese të masës 3a, me nga 170 euro.

Poashtu u bën pagesat edhe për 14 mijë e 768 përfitues të masës 14 që është mbështetje financiare për shoqëritë tregtare që regjistruan punëtorët me kontratë pune së paku një vjeçare gjatë periudhës së situatës emergjente.

Njoftimi i plotë:

Të nderuar qytetarë,

Ministria e Financave sot ka bërë këto pagesa:

Masa 8: Pagesa per 826 përfitues, prej të cilëve 782 përfitues kanë marrë nga dy pagesa përnjëherë (2*130), kurse 44 përfitues kanë marrë tri pagesa përnjëherë (3*130), me shume totale 220,480.

Masa 3a: Pagesa për 288 biznese përfituese, me shumë totale 1,350,546.63.

Masa 14: Pagesa për 14,768 përfitues, prej të cilëve 14,223 persona marrin një pagesë, kurse 545 persona marrin dy pagesa përnjëherë, në vlerë prej 1,990,690.

Ju faleminderit për durimin!

commentFirst article
Sot mund të lexoni Shfletoni kopertinat