Sindikata e Re e Korporatës Energjetike të Kosovës ka njoftuar se më 3 tetor do të protestojnë para Kuvendit të Kosovës.
Ata këtë protestë do ta bëjnë për të kërkuar që t’i tërheqin kursimet nga Fondi i Kursimeve Pensionale (Trusti).
“Nga mbledhja e Kryesisë Ekzekutive të SR-KEK-ut, të mbajtur me datën 30.09.2020 dhe në bazë të Ligjit për Organizimin Sindikal të Kosovës, neni 27 pika 1, Sindikata e Re ka marrë vendim që të protestojmë para ndërtesës të Parlamentit të Republikës të Kosovës me datë 03.10.2020, me fillim nga ora 12:00 deri në ora 13:00. Në protestë do të jetë Kryesia Ekzekutive e SR-KEK-ut, për shkak të vendimeve të marra nga Qeveria e Republikës të Kosovës. Qëllimi i protestës është: të lejohet tërheqja e një pjese të Trustit pensional. Ftojmë protestuesit të ju përmbahen rregullave të IKSHPK-së, për mbajtje të maskës dhe distancës”, thuhet në njoftimin e tyre.
