Vazhdojnë kërkesat e gastronomëve, këtë herë kërkojnë ndihmë financiare nga qytetarët

Ekonomi

Vazhdojnë kërkesat e gastronomëve, këtë herë kërkojnë ndihmë financiare nga qytetarët

Më: 8 nëntor 2020 Në ora: 18:12
Foto ilustrim

Shoqata e Gastronomëve të Kosovës u ka bërë thirrje qytetarëve që ndihmojnë këtë sektor financiarisht në kohën kur gjendja me pandeminë koronavirus në vend po vazhdon të rëndohet.

Në një njoftim për media, shoqata ka ngritur alarmin se si rrjedhojë e masave të aplikuara nga ana e institucioneve të Kosovës, shumë biznese rrezikojnë të mbyllen nga pengesat që janë shkaktuar në afarizëm.

“Gjendja aktuale në vendin tonë sa i përket sektorit të gastronomisë është tepër shqetësuese. Ju bëjmë lutje të gjithë atyre që kanë mundësi dhe janë të interesuar që të kontribuoni financiarisht duke dhënë mbështetje në shoqatën tonë dhe tuajën njëkohësisht, me kokë-ulje dhe për shërbim ndaj jush lidhur me përmirësimin e standardeve profesionale të sektorit të gastronomisë dhe avokimin për mbrojtjen e interesave të tij, tani e gjithnjë. Të interesuarit mund të lajmërohen nëpërmjet këtyre kontakteve: nr. tel: +383 (0)45 342 221/ (0)49 626 505; email: [email protected] gastronomet.com /[email protected], apo duke dërguar mesazh në faqet tona në Facebook (gastronometeprishtines) dhe Instagram (@gastronometekosoves)”, thuhet në njoftim.

Shoqata e Gastronomëve të Kosovës shpreh falënderim të thellë për mbështetjen e deritanishme të qytetarëve, me shpresë që ajo do të vazhdojë edhe në të ardhmen.

Shfaq komentet
comments powered by Disqus
Sot mund të lexoni Shfletoni kopertinat