ATK ka një lajm të mirë për përfituesit e subvencioneve nga Qeveria

Ekonomi

ATK ka një lajm të mirë për përfituesit e subvencioneve nga Qeveria

Më: 27 nëntor 2020 Në ora: 09:20
ATK

Tatimpaguesit të cilët kanë pranuar njoftimin nga Ministria e Financave janë përfituesit e subvencioneve të Qeverisë së Kosovës. Mirëpo për këtë tatimpaguesit duhet t’i përditësojnë llogarinë bankare në Sistemin EDI.

Nga Administrata Tatimore e Kosovës thonë se ende disa tatimpaguese nuk kanë përditësuar të dhënat e tyre në sistemin EDI, gjegjësisht evidentimi i llogarisë bankare në sistemin EDI nuk është i saktë.

“Administrata Tatimore e Kosovës, ju rikujton se tatimpaguesit që kanë pranuar njoftimin nga Ministria e Financave se janë përfitues të subvencioneve, do t’i pranojnë pagesat në ditët në vijim. Mirëpo, ende disa nga këta tatimpagues nuk kanë përditësuar të dhënat e tyre në sistemin EDI, gjegjësisht evidentimi i llogarisë bankare në sistemin EDI nuk është i saktë. Kjo mund të jetë edhe pasojë që disa nga tatimpaguesit edhe pse kanë pranuar njoftimin nga Ministria e Financave nuk kanë përfituar ende nga subvencionet e Qeverisë”, thuhet në njoftimin e Administratës Tatimore të Kosovës.

ATK kërkon që sa më shpejt të bëhet përditësimi i llogarisë bankare.

“Andaj, kërkojmë që sa më shpejt të bëni përditësimin e llogarisë bankare. Edhe nëse paraprakisht keni bërë përditësimin e të dhënave dhe nuk keni përfituar ende nga subvencionet e Qeverisë, kërkojmë që të rishikoni edhe një herë të dhënat tuaja, pasi që është konstatuar nga Thesari se llogaria bankare ose mungon ose llogaria që keni evidentuar në sistemin EDI nuk është e saktë dhe nuk është e mundur që t’ju rimbursohet ajo llogari për të përfituar subvencionet nga Qeveria”, thuhet në njoftimin e ATK-së.

Llogaria bankare që evidentoni në Sistemin EDI duhet te jetë në emër të biznesit.

“Pra, nëse llogaria bankare e juaj përditësohet dhe vendoset e saktë, Thesari i Kosovës do të bëjë pagesën në llogarinë tuaj, në afatin sa më të shkurtër”, thuhet mes tjerash në njoftim.

Shfaq komentet
comments powered by Disqus
Sot mund të lexoni Shfletoni kopertinat