​Trusti mban të fshehur numrin e ankesave nga qytetarët për rastin e 10%-shit

Ekonomi

​Trusti mban të fshehur numrin e ankesave nga qytetarët për rastin e 10%-shit

Më: 7 prill 2021 Në ora: 13:45
Trusti

Ani pse dje ka përfunduar afati i fundit për të aplikuar për tërheqjen e 10 për qind të Trustit, ende nuk ka statistika zyrtare nga ky institucion për numrin e atyre që aplikuan dhe për shumën e mjeteve të tërhequr nga Fondi i Kursimeve Pensionale.

Përveç kësaj, zyrtarë të Trustit po e mbajnë të fshehur numrin e ankesave që janë drejtuar në këtë institucion nga qytetarët për rastin e 10 përqindëshit.

KosovaPress mëson se numri i ankesave nga kontribuuesit, siç pretendojnë për diskriminim rreth rimbursimit dhe çështjeve të tjera, është i lartë.

Zëdhënësi i Trustit, Jeton Demi kur është pyetur nga KosovaPress që nga 31 marsi, nuk ka qenë në gjendje të tregojë për shumën e mjeteve të tërhequr dhe për numrin e atyre që kanë aplikuar dhe qe janë ankuar në Trust.

Demi sot ka dhënë një përgjigje të shkurt përmes mesazhit telefonik.

“Jam me disa takime e punë. Statistikat finale për 10% i nxjerrim javën tjetër”, ka thënë shkurt ai.

Ligji për rimëkëmbje ekonomike I miratuar nga Kuvendi, kishte mundësuar kontribuuesve tërheqjen e 10 përqind të kursimeve, që ishte hapur aplikimi më 11 dhjetor 2020 dhe ka përfunduar afati më 6 prill.

Shfaq komentet
comments powered by Disqus
Sot mund të lexoni Shfletoni kopertinat