Shumë punëtorë nuk duan të rikthehen në punët që ishin para shfaqjes së pandemisë.
Shkarkimet, bllokimet, por edhe papunësia u dhanë amerikanëve kohë që të mendonin për karrierën e tyre.
Ish-punëdhënësit e tyre po ofrojnë sërish punë, madje me paga edhe më të larta, por punëtorët po hezitojnë të rikthehen, shkruan AP.
Gjatë muajit mars, hapja e vendeve të punës në SHBA u rrit për 8 përqind, por punësimi i përgjithshëm u rrit më pak se 4 përqind.
Nate Mullins u largua nga puna e tij si barist nëntorin e kaluar pasi u përplas me menaxherët për masat anti COVID-19 dhe u shqetësua se do t’ia barte virusin motrës së tij e cila kishte imunitet të dobët.
Punëtorët si Mullins kanë bërë që punësimi në SHBA të bie.
Heidi Shierholz, një ekonomiste e vjetër e cila hulumton punëtorë me të ardhura të ulëta dhe të mesme me Institutin e Politikës Ekonomike, tha se shqetësimet shëndetësore dhe përgjegjësitë e kujdesit për fëmijët duket se janë arsyet kryesore që i mbajnë punëtorët në këmbë.
Ajo tha se në prill të paktën 25 përqind e shkollave amerikane nuk po ofronin mësim personal, duke detyruar shumë prindër të qëndronin në shtëpi.
Shierholz shtoi se papunësia u dha kohë punëtorëve që ata të mendojnë për të gjetur një punë që atyre u përshtatet më shumë.
Punëtorët shprehen se pandemia u ka ndihmuar atyre që në radhë të parë ta vendosin shëndetin e tyre fizik dhe atë mendor.
